Welcome, Guest: Register On Nairaland / LOGIN! / Trending / Recent / NewStats: 3,154,599 members, 7,823,607 topics. Date: Friday, 10 May 2024 at 12:17 PM |
Nairaland Forum / Entertainment / Literature / Naija Love Rhymes For Valentine (61267 Views)
Must Read: Naija Love Part 1 (one) / Re: Naija Love Rhymes For Valentine / A Space For Peoms, Hot Rhymes, Quotes And General Sayings (2) (3) (4)
(1) (2) (3) ... (9) (10) (11) (12) (13) (14) (15) ... (40) (Reply) (Go Down)
Re: Naija Love Rhymes For Valentine by semid4lyfe(m): 3:00pm On Jun 18, 2009 |
@ Maedan Me no dey form innocenty On top dis pidgin rhyme country Wey get enuff bounty The fact be se na u be president And as u be the incumbent I go dey show my respect Becos u dey always circumspect And ur style come dey reflect Like shoe wey chop quality polish So I no go dey rogue-ish Cos if I no display refinement U fit put me for solitary confinement. |
Re: Naija Love Rhymes For Valentine by maedan(f): 3:48pm On Jun 18, 2009 |
@ semid4lyfe how i go throw u put for inside jail when for rhyming skills, u no dey fail God say make we be head no be d tail anyone wey hate, make dem jump inside pail ur big big grammar, i go always dey hail big ups as u dey keep this our ship for sail! |
Re: Naija Love Rhymes For Valentine by sugabelle: 6:43pm On Jun 18, 2009 |
this no be d time for too much repetition but truly dis thread pass all d competition as maedan and co. dey wax stronger and stronger dem dey make me feel younger and younger as I dey laff dey enjoy all of ur sweet& good lines e dey make me to always remember d good times. |
Re: Naija Love Rhymes For Valentine by semid4lyfe(m): 9:46pm On Jun 18, 2009 |
For me na rhyme till infinity Cos dis na my vicinity And no be by my ability But by Baba God magnanimity Me no go throw in towel When I no get problem 4 bowel So make I complete my story Wey be to Bros Gode' glory No be se I too holy And I no get folly Unlike D.M.T's, dis biz no dey shitty Cos brain no dey empty When my rhymes still plenty But make I take rest Make others take d test For dis pidgin rhyme fest After all, I get better trainin' Wey go make my presence everlastin'. Pls, For here no fakin' No frontin' No slackin' And no dullin' But I no go relent to dey try cement My top position In this naija flow competition. |
Re: Naija Love Rhymes For Valentine by maedan(f): 9:23am On Jun 19, 2009 |
@ sugabelle, u try well well u too get ur own testimony to tell if u ever need to laff, make u no hesitate to come dis side, we dey always regulate every one dey welcome, na free for all if u fit join d crew, make u answer d clarion call |
Re: Naija Love Rhymes For Valentine by maedan(f): 9:48am On Jun 19, 2009 |
@ semid4lyfe we no dey do anything like "rival" after all nobody dey on trial no be competition, although na game our ambition, e dey the same to make eachother smile and laff with this our native pidgin gaffe e be like say me sef dey lose steam i go relax dey let others live d dream my brain no be machine, e don do if u like, i go turn d reins over to you |
Re: Naija Love Rhymes For Valentine by semid4lyfe(m): 12:37pm On Jun 19, 2009 |
Maedan! Maedan! Maedan! How many times I call ur name? U neva tire 4 dis game? Cos me don dey tire And small time I go retire But u, u no wan gree Cos rhymes u still dey spree I dey admire ur versatility Wey u spice with creativity together with ur longevity Abeg, u fit tell me ur secret Cos me dey discreet And I go keep am till I die U know se me no dey lie Besides no be today E don tey Wey we don know So na ur line I go dey tow So make u tell me how U still dey sustain Abi u don dey take cocaine? If na so, make u no get migraine Anyhow sha, Small time me go waka pack and comot For dis ur pidgin rhyme doormot. |
Re: Naija Love Rhymes For Valentine by maedan(f): 10:49pm On Jun 19, 2009 |
@ semid4lyfe dis ur talk don give me d motivation never to relent for dis my vocation since you say u go soon pack i no go let my faithful readers lack i go still dey house to greet each guest and i go do my duty with zeal and zest |
Re: Naija Love Rhymes For Valentine by semid4lyfe(m): 7:58am On Jun 20, 2009 |
@ Maedan I happy se u dey motivated Cos me still dey captivated Make u pray to dey elevated So ur soul go dey uplifted where my bro ruudie? Abi e don retire like whoopie? If na so, dat one na 4 em pocket Becos here be like Oyingbo market Wey no get permanent customer Cos 4 here, all man na redeemer So dis thread we go deliver From the pidgin english unbeliever. |
Re: Naija Love Rhymes For Valentine by RuuDie(m): 7:14pm On Jun 20, 2009 |
na d love of my life dis wan be about lai lai dis baby she no be tout, of dat i no get doubt, she no dey shack stout, her steppings omo i no fit shout, wen we comot go out, dis wan no be sey i dey make mouth, her levelz correct north to south. . . . . she delicious like sumtyn to lick, wen she halla na sharply i dey pick, her voice dey make my heart tick, 1 minute and e be like make i return quick, if she free me like dodo i go weak, in fact i go jus turn to stick. . . . . |
Re: Naija Love Rhymes For Valentine by maedan(f): 7:33pm On Jun 20, 2009 |
hmm'n, romantic mr RuuDie ur rhymes dey sweet like goodygoody na wetin this our thread dey here for naija luv rhymes go make u win am4sure no be flower, no be diamond or chocolate no be even to buy champagne by d crate na sugary words with plenty of sincerity and d girl go fall into ur arms with alacrity and just by the way i get this much to say: semid4lyfe dey wonder d source of my inspiration and as to how i dey flow without much prespiration no be by power, no be by might na God dey make me do am right |
Re: Naija Love Rhymes For Valentine by maedan(f): 8:03pm On Jun 20, 2009 |
@ semid4lyfe e good say u don change ur mind e for be a shame if u leave us behind good talent wey u get, u must to share am make others appreciate say e no be yam na plenty effort to task the brain to rhyme sweet lines to ease our pain in fact, i dey very glad say u go stick around and also RuuDie, whose heart dey lost and found i hope say him and him babe go soon be altar-bound but one thing wey go please me pass, na if my roty join us fast fast i know say e dey occupied with business concern but we need am here so we go dey learn without him, we for no get this idea and it go dey more sweet if he dey near |
Re: Naija Love Rhymes For Valentine by sugabelle: 11:49pm On Jun 22, 2009 |
@ Maedan i no wan make you ever relent me sef i no go repent i go still dey watch dis thread progression u go soon make am ur new profession never mind the yeye recession u don get a better employment: to give us plenty pidgin enjoyment! |
Re: Naija Love Rhymes For Valentine by semid4lyfe(m): 3:07pm On Jun 23, 2009 |
To rhyme 4 pidgin no easy Especially when person dey do am with enuff efizzy Walahi, I don tire 4 my critics And all the pidgin rhyme cynics Dem say I too dey blow grammar And my rhymes get too much drama I tell dem se I no be Mary.J.Blige So their request, I no go oblige So dis pidgin rhyme, I go still dey do my style With panache but without guile So to this pidgin rhyme thread,Me go stay true Even if my enemies turn green and blue. |
Re: Naija Love Rhymes For Valentine by semid4lyfe(m): 3:10pm On Jun 23, 2009 |
I get illness of malaria So I bin take small break from dis area My lapy sef don go for operation Cos I don carry am go redington Cos on top am I get guarantee Wey dey backed by 1yr warranty So me no go pay money as all service na free But no le le, rhymes I go still dey spree For dis our pidgin zone Even if na to use my phone So make una no fear As I no go disappear For dis pidgin rhyme territory wey no get barrier |
Re: Naija Love Rhymes For Valentine by RuuDie(m): 4:24pm On Jun 23, 2009 |
shuo, semid na fight ? ol' boy no vex, u get right, some people no dey see even sey dem get sight, u no jus try, in fact u tight, see d way u dey flow like light, ur gist clear sotey e dey bright, pesin wey no like fit carry flight, go obodo oyibo find im height, no mind dem, dem no fit bite, if dem no like, make dem leave we site. . . . . |
Re: Naija Love Rhymes For Valentine by sugabelle: 7:20pm On Jun 23, 2009 |
who talk am say una no dey try? if na book, my bros, i for buy in fact, 100 copies go be my own and if friends beg me, i no go loan all of d rhymes dey come from gifted brains una just dey drop dem quicker than electric trains make we quick do, make d compilation and ask Seun to sponsor d publication |
Re: Naija Love Rhymes For Valentine by semid4lyfe(m): 8:48pm On Jun 23, 2009 |
Biko, make we no fight Instead make we keep am tight With better pidgin rhyme flow So make una no throw verbal blow On top dis thread Wey get enuff rhymers with plenty pidgin cred |
Re: Naija Love Rhymes For Valentine by RuuDie(m): 6:59pm On Jun 25, 2009 |
my fellow rhymers, una dey fantastic, in fact un don too coca-stic, i hear sey we thread don cross atlantic, dis wan no be yam, beans, stone or plastic, d levelz don high sotey e dey enter systematic, ogbonge people yanfu with orishirishi ogbonge tactic, anyhow u want am, as long as sey na poetic, shey u dey find romantic, abi na pesin wey go analyse like critic, or d magic wan wey oyinbo call mystic, abi na plenty grammar wan wey my teesha call scholarstic, or d wan wey get plenty katakata wey oyinbo call dramatic, any which wan, we go scatter ya head like mr. boombastic. . . . . |
Re: Naija Love Rhymes For Valentine by RuuDie(m): 7:05pm On Jun 25, 2009 |
chei, she don run me down, wetin i go come talk sey i be 4 dis town!? in fact, now dem dey call me clown, to God if i see road, i go drown, i siddon look loss my crown, people yarn me but i no gree da'un, she remove me sokoto gimme gown, now see me, plenty regret and frown. . . . . omo e no funny, come see cunny, use one mouth dey call me honey, meana while'a 4 1 corner she dey saa'ma my money, grooving from shell estate to natony, all dis with dat ur pastor bro. Tony, i no soji sey all na wetin oyibo call phony. . . . . . anywhere i go 4 warri, na so people dey tell me sorry, shame dey heavy my head to carry, well sha i no too worry, sometimes d thing dey be like curry, other times e go sweet like strawberry, i know sey 1 day God go send my own to marry. . . . . . |
Re: Naija Love Rhymes For Valentine by RuuDie(m): 7:08pm On Jun 25, 2009 |
baby from d moment i set my eyes on u, i be like small pikin wey jus comot belle, sick don run leave me, i no fit even remember how dem dey cry, and frown no dey my dictionary again, my whole mind na so so smiles, i been no fine but u touche' me up, book i no sabi but u teash me well, na different, different love song ur heart dey play, all na to remind me sey u always dey near evryday u jus dey love me dey go, show me another u wey go make me trip d more. . . . . . baby from d day wey u enter my life, things jus dey happen like dream, everything about me just begin set, even my pepper rest, e be me like rainy season 4 waterside, d blessings jus dey pour non-stop and miracles na my daily bread, i dey waka now like odeshi, my mind dey cu'lee, and i stand well well 4 ground. . . . . |
Re: Naija Love Rhymes For Valentine by maedan(f): 3:16pm On Jun 27, 2009 |
who talk am say pidgin na for lowlife when for here na wizards dey burn d mike Ruudie, ur own pass bombastic, na tornado ur lines dey sweet and dey burn like hot dodo Semid4life na anoda rhymeking with high cred wey go make any rival shake gidi-gidi with dread Sugabelle dey represent our homegirl corner her bam lines na sure page-turner Me sef dey proud to be part of this prestigeous clan and I go dey keep am tight, or my name no be Maedan |
Re: Naija Love Rhymes For Valentine by RuuDie(m): 6:49pm On Jun 27, 2009 |
i swear dis wan no be commentary, baby walahi na only ur name full my diary, i no wan yarn plenty like documentary, my love 4 u don pass elementary, e full throwey pass sand sand for kalahari, becuz of u i fit burn my salary, swim atlantic ocean with ferry, even sef fight lion inside kenya safari, 4 ur hand i go taka with uncle sege, IBB plus Buhari if u gree 4 me to God i no go f**k up like scolari, if u no come gree nko, nna d sick go pass dysentery. . . . . |
Re: Naija Love Rhymes For Valentine by semid4lyfe(m): 7:07pm On Jun 27, 2009 |
Una dey always display correct attitude And as such una dey stand out in the multitude Una too sabi rhyme E be like se una dey for una prime Well, that one no be crime Me just wan yarn se I don come back from my absence So dis thread go feel my presence Dat one be se here go sweet like song by evanescence Cos my pidgin rhymes too dey make sense Anyhow sha, how una weekend? Cos me dey enjoy for my end In short I dey party dey gyrate I just say make I take small time partake For dis pidgin rhyme thread wey sweet pass party cake So make una no vex 4 dis my senseless yarn Cos to post pidgin rhyme on top phone no be yam. |
Re: Naija Love Rhymes For Valentine by just2nice(m): 7:17pm On Jun 27, 2009 |
Una slick rhymes dey make me dey kolo tosay remainda milliseconds for me to tear my polo some people dey tell me say for rhyming,me na aficionado but this thread make me know say for where una dey,i be dodo una lines na gbosa,e get power pass tornado no body feel this thread pass the way I do poetry I no too sabi but I know say I go learn from una dem rabbi I dey feel semid 4 lyfe lyk his alibi Rotimy flows dey make me go hysterical lyk Lady Gaga Maedan sabi her onus lyk Ali Baba her lines go make good sales for Alaba I just dey holla, make I go greet my friend from Taraba |
Re: Naija Love Rhymes For Valentine by maedan(f): 10:44pm On Jun 27, 2009 |
just2nice, thanx 4 d spice, na your own turn to throw d dice no hesitate to join dis circle of friends our pidgin show get plenty dividends e dey cool d soul, and train d mind if u join us, na jolly-jolly u go find we go dey flow pass Kool & d Gang Our CD must to sell with a big bang!!! |
Re: Naija Love Rhymes For Valentine by semid4lyfe(m): 8:38am On Jun 28, 2009 |
@ Just2nice For dis ur debut, u no dissapoint Cos ur pidgin rhymes dey on point As e don become ur vocation U no need to write examination Cos u don get automatic promotion Me go soon send u letter of commendation But make u go prepare 4 ur induction Into the pidgin rhyme hall of fame Cos u don live up to ur name For dis our broken english game. Eeeya So Baba God don call M.Jay Aaah, O ma se Anyway,na bros Gode know best So em will, make we no contest But to talk true, I go miss Wacko jacko die And that one no be lie Nobody fit be like am Cos to be M.j no be yam Who go come be the next king of pop? As all dem other musicians na flop Anyhow, dis 1 na my small pidgin rhyme of remembrance Filled with admiration and reverence For M.J, as em soul don go eternal silence. |
Re: Naija Love Rhymes For Valentine by sugabelle: 6:55pm On Jun 28, 2009 |
I no know wetin i go say dis thread dey shaq like play like play d skills dey very high-rate i like how una dey demonstrate from page one up to now d talents dey make person 2 bow!!! i go dey always trip for una know-how |
Re: Naija Love Rhymes For Valentine by semid4lyfe(m): 9:52pm On Jun 28, 2009 |
Wetin man pikin wan talk As all man don waka d walk For here, all man na star Cos our rhymes sweet like nectar For me, this thin don become addiction E come be like virus infection Wey doctor? Abeg, I need medication Becos my pidgin rhyming skills too sick Me no be ajebo and I no be geek So come rain, come sunshine Na on top dis thread, I go dey wine and dine Otherwise make una call me swine. |
Re: Naija Love Rhymes For Valentine by maedan(f): 10:01pm On Jun 28, 2009 |
no be only geek, na greek we go use dis thread do hide& seek some dey use style enter to peek but our secrets, we no go leak as we don strong like wood of teak we go still stay humble and meek and keep rhyming all d days of d week! |
Re: Naija Love Rhymes For Valentine by semid4lyfe(m): 1:00am On Jun 29, 2009 |
Maedan, For dis thread u strong kakaraka like concrete wall Infact u still dey waka tall I dey surprised se u never fall Cos u don dey drop pidgin rhymes since day one And ur delivery never wan By the way, I be ur greatest fan How u dey take do am? Cos me know se no be yam Those wey start with u don fall yakata As all of dem don scamper and scatter But u, u still dey go strong Sometimes u dey post rhymes all nite long Anyhow sha, more grease to ur elbow And make ur brain no dey hollow Cos na ur steps me go dey follow. |
Re: Naija Love Rhymes For Valentine by TOYOSI20(f): 1:14am On Jun 29, 2009 |
na wah oo see love!! |
(1) (2) (3) ... (9) (10) (11) (12) (13) (14) (15) ... (40) (Reply)
Oyeku:story Of Lust,injustice, Destiny And Human Wickedness, 18+ / Nephilim / Wole Soyinka: Things You Never Knew About Him
(Go Up)
Sections: politics (1) business autos (1) jobs (1) career education (1) romance computers phones travel sports fashion health religion celebs tv-movies music-radio literature webmasters programming techmarket Links: (1) (2) (3) (4) (5) (6) (7) (8) (9) (10) Nairaland - Copyright © 2005 - 2024 Oluwaseun Osewa. All rights reserved. See How To Advertise. 72 |