Welcome, Guest: Register On Nairaland / LOGIN! / Trending / Recent / NewStats: 3,154,621 members, 7,823,719 topics. Date: Friday, 10 May 2024 at 01:52 PM |
Nairaland Forum / Entertainment / Literature / Naija Love Rhymes For Valentine (61268 Views)
Must Read: Naija Love Part 1 (one) / Re: Naija Love Rhymes For Valentine / A Space For Peoms, Hot Rhymes, Quotes And General Sayings (2) (3) (4)
(1) (2) (3) ... (8) (9) (10) (11) (12) (13) (14) ... (40) (Reply) (Go Down)
Re: Naija Love Rhymes For Valentine by maedan(f): 8:18pm On Jun 06, 2009 |
RuuDie: RuuDie: ur rhymes dey make me go ha ha ha me i no want my roty wahala if na any oda thing i know I go fit assist but if na to overtake d show, make u no persist shark & crayfish get plenty difference make u take the others as point of reference i no go mention any of their name but dem all back down even b4 dem finish d game in any case, u come bring some fresh air to the cobweb wey for gather for this naija rhyme fair |
Re: Naija Love Rhymes For Valentine by RuuDie(m): 4:36pm On Jun 07, 2009 |
Baba God no go gree we see kasala, not even small kwanta, we life dem go sweet pass asala, all na we prayer, oya follow me shout halleluyah, maedan abeg no laff dis no be okpata, dis thing do me sotey i tire, my mind tell me sey u fit end dis waka, dats why i come table d matter, abegi make u helep for dis my wahala, if na to pay with with rice and cassava, i fit try small becuz me i be common farmer, and i no too get naira, oga roty me i no be toaster or small boy casanova, or d man wey call imsef mr lova lova, i no get liver to put asunder, better wey people jackee tey'lee to discover. . . . . Maedan abeg jus maintain and hear d matter wey dey worry my brain Na dis love matter again, d way d thing dey pain, e be like dem baff me hot water rain, na one edu wey jus dey carry me train, i no jus no know how to explain, in fact, she don carry my heart waka like aeroplane, wen i hear her voice d happy no fit jus contain, d sweetness pass sugar cane, instead to lose her my make my market no gain my small money make agbero obtain, if ee'ke like make dem detain, for her love i fit climb mountain, shuo, warri river sef na fountain, for where she dey, no long thing like plantain, i fit waka from abule-egba to costain, all for her to dey sustain. . . . . . dis wan pass shoot bird, d chic'alla don finish scatter my head, wetin dey hol me now na jus needle and thread, evryday na im my eye dey red, for night na so so cry for bed, sumtym e be like i jus dey dead, walahi i don dey too frustrated, shey becuz i be aje kpa'ko born and bred, or i no get house or even simple shed, abi na becuz i no fit buy butter and bread, she dey call me nerd, i don write luv letter "a" to zed, so she go dey reminded, how mush she dey needed, abi make i run enter market square naked? wetin i fit do make she blend, make she jus look me small and send, i no even mind to go join MEND, if na to borrow people plenty wey go lend, i no sey her toasters plenty and i no fine reash to contend, d kain place she dey enter i no fit attend, but nothing wey she do dey make me offend, if any pesin try her i go gree'dai to defend, make sure sey ti'ti lai'lai on no man she go depend, d luv wey me get so no be jus pretend, as day dey go d more my heart dey bend, dis my sick na only she get the power to amend, e don reash five years and na make we jus be friend, how she no dey see sey my for luv her no go ever end!? |
Re: Naija Love Rhymes For Valentine by maedan(f): 8:46pm On Jun 07, 2009 |
the following in bold na my favorite lines from this ur post wey pass love letter 4 valentine . . . [b]maedan abeg no laff dis no be okpata, dis thing do me sotey i tire, if na to pay with with rice and cassava, i fit try small becuz me i be common farmer, . . . or small boy casanova, or d man wey call imsef mr lova lova, i no get liver to put asunder, better wey people jackee tey'lee to discover. . . . . e be like dem baff me hot water rain, na one edu wey jus dey carry me train, in fact, she don carry my heart waka like aeroplane, wen i hear her voice d happy no fit jus contain, d sweetness pass sugar cane, instead to lose her my make my market no gain my small money make agbero obtain, if ee'ke like make dem detain, for her love i fit climb mountain, shuo, warri river sef na fountain, for where she dey, no long thing like plantain, i fit waka from abule-egba to costain, all for her to dey sustain. . . . . . d chic'alla don finish scatter my head, wetin dey hol me now na jus needle and thread, i don write luv letter "a" to zed, so she go dey reminded, how mush she dey needed, abi make i run enter market square naked? i no even mind to go join MEND, if na to borrow people plenty wey go lend, i no sey her toasters plenty and i no fine reash to contend, d kain place she dey enter i no fit attend, but nothing wey she do dey make me offend, if any pesin try her i go gree'dai to defend, as day dey go d more my heart dey bend, dis my sick na only she get the power to amend, e don reash five years and na make we jus be friend, how she no dey see sey my for luv her no go ever end!? [/b] @ RuuDie dis ur post long almost reach like chronicle but I see say u be guy wey get good principle as u take d time explain ur situation i come see say no be ordinary infatuation fost of all, make i raise elbow to respect and commend this paragon of womanhood wey dey make ur head bend i wish to say she fit read this your post u no go need me again to help u to toast be that as it may, i no get much to say inside love mata, third party no fit play d only thing be say i go dey helep u to dey pray make u win d love of dis ur dreamgirl b4 e too tey. no be until ur hair don turn full grey by then, e go too late for u to have ur way!! |
Re: Naija Love Rhymes For Valentine by rotimy(m): 12:29pm On Jun 08, 2009 |
RuuDie:I go talk loud say I no be a sharkfish, And make you know yourself as crayfish. All men dey equal before Baba for yonder, And go respect d other come rain or thunder. I dey feel your pain for the girl you love, But you go dey real even if you live for cave! Five years dey enough for you to read her like a book, By now you go decide if to go on or to let her off your hook. But coolu temper as no waman worth dying for except na your wife! Anyday anytime anywhere, for Maedan I dey ready to lay down my life! |
Re: Naija Love Rhymes For Valentine by rotimy(m): 12:32pm On Jun 08, 2009 |
@@@@@@@@@@RuuDie@@@@@@@@@@ I go talk loud say I no be a sharkfish, And make you know see yourself as crayfish. All men dey equal before Baba for yonder, And go respect d other come rain or thunder. I dey feel your pain for the girl you love, But you go dey real even if you live for cave! Five years dey enough for you to read her like a book, By now you go decide if to go on or to let her off your hook. But coolu temper as no waman worth dying for except na your wife! Anyday anytime anywhere, for Maedan I dey ready to lay down my life |
Re: Naija Love Rhymes For Valentine by RuuDie(m): 6:23pm On Jun 08, 2009 |
dis no be play becuz we no dey stage, d luv i get 4 u omo dem no fit guage, from small pikin to old age, e no matter say we no be d same language, u dey sweet my bodi pass orange, babi if to sey u be maths u 4 good pass average, i no be book but u don turn my page, babi boo d way u hook me like i dey inside cage, i no be van damme but 4 u i go chop liver find courage pepper no rest but anyhow, anyhow i go arrange, even if na ko'le work i go pack garbage, if dat wan no reash i go clear drainage, even go join alaye 4 garage, as a lagos boy i go way manage, i fit kpai if we no disengage, me no sabi dance but on dat day i go rock fuji-cabbage, becuz na only u i wan spend my life with 4 marriage, |
Re: Naija Love Rhymes For Valentine by maedan(f): 6:49am On Jun 09, 2009 |
@ rotylovy i hapi say u come quick-quick to my defence as a good e-hubby with prudence and patience make we take this RuuDie case as our own pet project e no easy to send love make the receiver come reject u feel im pain, that one na good of you and we go devise sometin for him to do to take him mind from this heart matter make d girl no make him head come scatter |
Re: Naija Love Rhymes For Valentine by maedan(f): 7:03am On Jun 09, 2009 |
as for you, RuuDie make u no get too moody with these ur good wordings, u go get d victory over this your love of 5-year history woman like sweet-talk pass food & money keep up ur rhymes wey dey flow like honey finally finally, we go package dem to ur babi-boo u go see say she go gree b4 u fit say "yahoo!!!" |
Re: Naija Love Rhymes For Valentine by rotimy(m): 2:29pm On Jun 09, 2009 |
Nothing go ever scatter him head, Soon he go mature and take the lead. Now he dey take words dey plant the seed |
Re: Naija Love Rhymes For Valentine by maedan(f): 10:52pm On Jun 10, 2009 |
my deary i hope say he no go run comot just as we dey give am our full support im talk dey sweet, almost like my roty own e fit make girl head swell like rubber blown-blown we must to always give people our full encouragement make the thread continue to dey flow with pidgin wonderment |
Re: Naija Love Rhymes For Valentine by RuuDie(m): 10:33pm On Jun 12, 2009 |
shue'eppes, una tink sey me i don surrender, bobz, me be rugged defender, omo me i be all weather, i too mush to jus be ta'shere pretender, if u still dey ponder use one eye sheck una calendar, u go see sey na only jus 1 week or under, dis na becuz i jus leave naija delta yonder, clear from tom-pollo and JTF thunder, and return to eko d land of wonder. . . . . |
Re: Naija Love Rhymes For Valentine by RuuDie(m): 9:59pm On Jun 13, 2009 |
i for sey make i shout halleluya as e be like i be d only playa, but how e go be wen u go shop of mai-suya, no egg dey fry for fire, or u go d joint of enuf man'ya, and all ur men dem don ka'ya no be my praya, sey make una now come tire, becuz d way una don make dis thread waya, e no jus set make una retire! |
Re: Naija Love Rhymes For Valentine by maedan(f): 10:15pm On Jun 13, 2009 |
no be say we don retire we just dey wait d new messiah we go deliver d thread from shadow and make am blossom like green meadow maybe we go need a brand new couple wey their love still dey fresh and supple make them take over wetin roty start as me and him don do "till death do us part" |
Re: Naija Love Rhymes For Valentine by RuuDie(m): 10:33pm On Jun 13, 2009 |
Madam maedan, i see sey u dey online, na whish time u sign? hope u dey very fine, how d weekend 4 ur line, abi rain turn ur area to riverine? omo i jus twist like twine, e dey do me like sey i dey quarantine, since morning things jus dey 1 kain, from police palaver to no food for dine, iron come burn my shirt wey be calvin klein, i no fit club again becuz e don pass nine, and i no fit dribble my people becuz i no be argentine for inside my house i no go fit to drink wine, or find party people wey i go follow grine' as e come be sey i no get babe of mine, my today no jus resemble valentine. . . . |
Re: Naija Love Rhymes For Valentine by RuuDie(m): 10:50pm On Jun 13, 2009 |
e fit be say na true u talk, but i no see how e go work, cuz dis una fruit real sweet to pluck, with time i no sey people go flock, and dis we thread go rock, but still yet, make we no gawk, we fit carry dis we market hawk, with enough luck, we fit hail am like pork, even put am on export for dock, cuz e too cool like ice block, i no sey some people go mock, some go even dey yarn okp'ats like f@@k, but if we firm up put mind inside sock, hol' we side tight like tummy tuck, and refuse to siddon look like duck, we fit gather mush pass even sellers of stock. . . . . . . . . |
Re: Naija Love Rhymes For Valentine by maedan(f): 2:36am On Jun 14, 2009 |
u funny well well, i go must to confess d way u dey flow make me dey impress' i no fit believe say u no get am for chick when plenty dey for each tom, harry & nick some even get ten from which dem dey pick u need am for boost, make ur love life dey tick as you get time to dey rhyme for this our thread e go take off your mind from say u no get no bread money no be d main, e no be our master to worship am b say u dey find disaster as u say make we tighten up like say we do surgery we go dey stay real, we no go do forgery d thing wey go save us na our originality and pple go dey trip for our sweet personality |
Re: Naija Love Rhymes For Valentine by RuuDie(m): 10:24am On Jun 14, 2009 |
Maedan u too mush, even 4 midninth sef u no jus rush, u jus cul'ee polish ur rhymes with brush, ngwa nu 4 u, 1 bottle of crush, i hope sey u dey go shursh, e necessary 4 sush, make all bad belle dem flush, so we dem no go fit tosh, or even near who'sai we reash. . . . |
Re: Naija Love Rhymes For Valentine by maedan(f): 8:26pm On Jun 15, 2009 |
@ RuuDie sorry say i no quick reply my work & nairaland no gree comply but no how, no how, i go still dey try to dey hail u back by and by thank u for all ur commendation i no wan get big-head reputation but my bottle of crush i go siddon enjoy and all my good rhymes, i go still dey employ |
Re: Naija Love Rhymes For Valentine by rotimy(m): 10:18pm On Jun 15, 2009 |
Wifey Maedan you be expert for good advice, I support make things for RuuDie dey very nice. True love dey scracth person head as him get rice, But I sure RuuDie go soon melt her heart like ice! |
Re: Naija Love Rhymes For Valentine by maedan(f): 12:44am On Jun 16, 2009 |
true talk, rotylovy d guy dey rock am like bonjovi i dey sure, he must to win d lady so long as he stay cool & no act shady |
Re: Naija Love Rhymes For Valentine by semid4lyfe(m): 7:59pm On Jun 16, 2009 |
Walahi,I dey gbadun dis una steeze I dey feel am pass cool hawaian breeze I don waka the thread from 'hay' to 'zed' And e be like se ruudie heart heavy like lead Make u no worry as ur matter don end As me be origo luff dokitor,barrister and solicitor Infact ,I be Queens counsel for luff matter Only tin be se e go cost u no be small My office dey 10th floor for city mall But u sef, u no dey try E fit be se ur heavy words dey make her cry As u don break her heart instead of winning it with ur nuclear luff missiles So she still dey pick up d pieces No worry,she just dey do yanga as she go soon fall 4 u yakata And una go come marry 'n' live happily ever after Baba God don show me d big picture But to actualize am, u go need take my ogbonge luff mixture So hurry come see me b4 e too late Cos I dey close office by eight As I no wan make una case be like that of Leonardo and Kate Otherwise e go be matter wey market women dey discuss 4 racecourse And small time e go be matter of national discourse Me just wan helep u as I be ordained luff 'cementor' and pencil in the hands of the Almighty Creator. |
Re: Naija Love Rhymes For Valentine by maedan(f): 3:22am On Jun 17, 2009 |
@ semid4lyfe dis one wey u be jack of all trade ur own 419 dey d higher grade how u go be dokita, barrister, solicitor u go soon say u be ordained pastor but u try say u wan helep ur fellow man to make d love of him life understan' say im love dey true pass dem own for Titanic u rhyme well well, but make ur head no dey gigantic! |
Re: Naija Love Rhymes For Valentine by semid4lyfe(m): 8:42am On Jun 17, 2009 |
@ Rotimi, Maedan, Ruudie and all the 'Ogbonge' Pidgin Rhymers No be na wa Na real wa! Cos I dey trip for all of una effortless pidgin rhyme To talk truth, e hard me like se I dey dance pantomime This my post come be like song wey I dey mime I know se I no dey make sense But at least una go feel my essence So make una no too vex Because me na jewman for dis kain pidgin flex. |
Re: Naija Love Rhymes For Valentine by maedan(f): 6:46pm On Jun 17, 2009 |
@ semid4lyfe for this our show, no one be novice everyone na star for this pidgin province in your big way, u don contribute now the news of this thread, make u distribute |
Re: Naija Love Rhymes For Valentine by RuuDie(m): 7:29pm On Jun 17, 2009 |
Gbosa, Gbosa. . . . no be Eedris Abdulkareem, no begin look like na film, na RuuDie and im All-star team, and we dey carry d Surulere dream, o' sha mo' na we be creme de la creme, our pocket too fat to trim, omo boy brain too much to scheme, our light no fit ever dim, while u dey struggle with fence we don scale d beam, u still dey read, no time we don skim, papers we dey carry for ream, no dulling ahead full steam! |
Re: Naija Love Rhymes For Valentine by maedan(f): 8:40pm On Jun 17, 2009 |
@ RuuDie up you, thank God for the change of mood i think say ur heartache go dey make u brood but e be like say u don leave d game for good make u continue to stick for dis our neighborhood u go see say u go like us pass even ur favorite food even tho' them go say we be pako like wood we go still dey shine, we no go ever dey misunderstood |
Re: Naija Love Rhymes For Valentine by semid4lyfe(m): 12:43am On Jun 18, 2009 |
I no dey see vision like Paul Adefarasin But I don sense se somethin wan happen On top dis luff thread of rotimy and maedan Wey ruudie come dey maintain And me dey try sustain. Mba o, to bed I no dey retire Cos My brain dey on fire and like pirelli, I no dey tire So I go still dey flow On top dis pidgin rhyme show wey be like film trick to my elder bro But dey fascinate my younger sister so Sotey she come shout, 'Please give me some mo' And she talk se I go soon blow but I come tell am se all na for play and no be for dough Maedan words come give me strength, vitality and courage Like se I drink Milo chocolatey beverage As her yarns make me dey encourage As she don confirm se I dey on track Cos my rhymes no dey wack But rite now e be like sleep don dey nack As my well of rhymes don get crack No le le, I still dey come back For dis my absence, make my rating no drop Like that white wanna be king of pop For this pidgin thread, I don already show my class So me know se I go pass Even if the rest fail en masse becos me don chop trainin' from the best of d best And I don pass the test to join de creme de la creme On top dis thread of strictly 9ja pidgin rhyme . |
Re: Naija Love Rhymes For Valentine by maedan(f): 8:12am On Jun 18, 2009 |
@ semid4lyfe u don already fulfil my prediction say dis thread go come be ur addiction so tey ur brain dey hot, u no fit sleep u come dey sprout rhymes wey deep me i always dey here to strengthen and energize my fellow pidgin-rhymers wey no dey compromise from the first post to the last, the quality never fall in fact, the latest converts dey make me stand tall to RuuDie and Semid4lyfe, una get my respect una do pass wetin i don eva expect no be say i be the pidgin madam; i just dey try but una skills dey make me say, "my oh my---" |
Re: Naija Love Rhymes For Valentine by semid4lyfe(m): 10:17am On Jun 18, 2009 |
Me don bookmark dis thread Cos e dey sweet me pass agege bread To enter, some Nairalanders dey dread Abi dem no get 9ja pidgin cred? E come be like se I dey on coke Cos 4 3 days now, I just dey voke Like se I don get Kolomental craze And I come dey 4 daze Like that plantation boy, faze But no kain, dis pidgin gbedu I go rock together With Ruudie, my big brother And Maedan, my pidgin rhyme mother In the absence of Rotimy my broken english father Not forgetting the others And even the 'magas' Wey in their own small way don contribute For dis big oyinbo grammar antidote Wey we dey distribute On dis pidgin rhyme mission In the literature subsection For nairaland Cyberstation |
Re: Naija Love Rhymes For Valentine by maedan(f): 11:22am On Jun 18, 2009 |
@ semid4lyfe u dey pretend since say u be rhyming junior but now u wan know am pass ur senior see as u dey improve day by day abi u just dey take us play be lyk say u be pidgin maestro come here dey form newbie aggro no probs, we go put d crown for ya head as u don enter where others dey fear to tread but our mission remain to always spread d love and to dey waka tight like hand inside glove |
Re: Naija Love Rhymes For Valentine by semid4lyfe(m): 1:56pm On Jun 18, 2009 |
@ Maedan Gbosa!No fear, no be gunshot Na my head dey threaten to explode E remain small make e implode On top dis ur ogbonge praise Cos na my spirit u don raise No be me, na by em grace Me no be pidgin rhyme maestro I just dey kolo like se here na world of kentro U know se I be fast learner And like dat gongo aso crooner For dis land, me dey always steal the show With my cool original pidgin flow Even when artists from obodo oyinbo dey present Cos dem no dey represent Kai! e be like se muscle pull don catch me 4 mouth There4, I no fit shouth But west, east, North or South I go still dey strut my stuff And make u no think se I dey bluff Becos me na man of action Wey get quick and fast reaction To every pidgin rhyme situation based on our cyber interaction But I go still dey waka 4 ur back Becos u no be quack As long as u give me hope Se u go teach me d rope. |
Re: Naija Love Rhymes For Valentine by maedan(f): 2:29pm On Jun 18, 2009 |
@ semid4lyfe no be only teach u d rope i go buy you "The Audacity of Hope" make you stop to dey play "innocenty" when na u get rhyming skills plenty even tho' na rotimy start am and na me try maintain am--- i know say, out there we get posters of courage wey get d talent to make us to dey turn d page! |
(1) (2) (3) ... (8) (9) (10) (11) (12) (13) (14) ... (40) (Reply)
Oyeku:story Of Lust,injustice, Destiny And Human Wickedness, 18+ / Nephilim / Wole Soyinka: Things You Never Knew About Him
(Go Up)
Sections: politics (1) business autos (1) jobs (1) career education (1) romance computers phones travel sports fashion health religion celebs tv-movies music-radio literature webmasters programming techmarket Links: (1) (2) (3) (4) (5) (6) (7) (8) (9) (10) Nairaland - Copyright © 2005 - 2024 Oluwaseun Osewa. All rights reserved. See How To Advertise. 100 |