₦airaland Forum

as for you, RuuDie
make u no get too moody
with these ur good wordings, u go get d victory
over this your love of 5-year history
woman like sweet-talk pass food & money
keep up ur rhymes wey dey flow like honey
finally finally, we go package dem to ur babi-boo
u go see say she go gree b4 u fit say "yahoo!!!"

@ rotylovy

i hapi say u come quick-quick to my defence
as a good e-hubby with prudence and patience
make we take this RuuDie case as our own pet project
e no easy to send love make the receiver come reject
u feel im pain, that one na good of you
and we go devise sometin for him to do
to take him mind from this heart matter
make d girl no make him head come scatter

_{the following in bold na my favorite lines
from this ur post wey pass love letter 4 valentine . . .}


[b]maedan abeg no laff dis no be okpata,
dis thing do me sotey i tire,

if na to pay with with rice and cassava,
i fit try small becuz me i be common farmer,

. . . or small boy casanova,
or d man wey call imsef mr lova lova,
i no get liver to put asunder,
better wey people jackee tey'lee to discover. . . . .

e be like dem baff me hot water rain,
na one edu wey jus dey carry me train,

in fact, she don carry my heart waka like aeroplane,
wen i hear her voice d happy no fit jus contain,
d sweetness pass sugar cane,
instead to lose her my make my market no gain
my small money make agbero obtain,
if ee'ke like make dem detain,
for her love i fit climb mountain,
shuo, warri river sef na fountain,
for where she dey, no long thing like plantain,
i fit waka from abule-egba to costain,
all for her to dey sustain. . . . . .

d chic'alla don finish scatter my head,
wetin dey hol me now na jus needle and thread,

i don write luv letter "a" to zed,
so she go dey reminded,
how mush she dey needed,
abi make i run enter market square naked?

i no even mind to go join MEND,
if na to borrow people plenty wey go lend,
i no sey her toasters plenty and i no fine reash to contend,
d kain place she dey enter i no fit attend,
but nothing wey she do dey make me offend,
if any pesin try her i go gree'dai to defend,

as day dey go d more my heart dey bend,
dis my sick na only she get the power to amend,
e don reash five years and na make we jus be friend,
how she no dey see sey my for luv her no go ever end!?
[/b]

@ RuuDie
dis ur post long almost reach like chronicle
but I see say u be guy wey get good principle
as u take d time explain ur situation
i come see say no be ordinary infatuation

fost of all, make i raise elbow to respect and commend
this paragon of womanhood wey dey make ur head bend
i wish to say she fit read this your post
u no go need me again to help u to toast
be that as it may, i no get much to say
inside love mata, third party no fit play
d only thing be say i go dey helep u to dey pray
make u win d love of dis ur dreamgirl b4 e too tey.
no be until ur hair don turn full grey
by then, e go too late for u to have ur way!!

RuuDie:


No need for me to repeat
I no go even try say I wan even compete,
Becuz I know say my own go be defeat,
you and roty na stew and meat. . . .
no matter how e be ma mind no jus reesh,
me i be student na una dey teesh
roty na shark me i be crayfish,
if i tranga too mush d end na inside dish,
as per the love matter me still dey wish,
to find that babe wey go complete me finish. . . .

RuuDie:
Madam maedan me soji say u na correct,
no need to vote na u i go elect,
something dey worry my brain,
and i sure sey u get d melecine 4 d pain,
abeg neva hiss,
me know say u no be pastor chris,
i know sey u can fit helep me,
na who wear shoe know as e dey be,
i don culee arrange d wahala list,
but b4 i give u d gist,
i dey feel sey make i first collect oga roty allowance?
becuz i dey fear 4 im annoyance,
abi make i begin download,
dis matter wey don carry me enter road. . . . .

ur rhymes dey make me go ha ha ha
me i no want my roty wahala
if na any oda thing i know I go fit assist
but if na to overtake d show, make u no persist
shark & crayfish get plenty difference
make u take the others as point of reference
i no go mention any of their name
but dem all back down even b4 dem finish d game
in any case, u come bring some fresh air
to the cobweb wey for gather for this naija rhyme fair

na now i understand, why my roty say make we always dey prudent
becos when suffer go come, e go teach u lesson like jamb student
now wey d economy dey bite with im credit crunch
and person no fit buy one whole plantain bunch
I happy say we remember to pinch and manage
Or else, after d big society wedding, nothing for remain for us to salvage!

RuuDie:
erhm. . .  erhm, no fear i jus dey clear my throat,
no go think say i be ewu-goat,
to all una wey start am,
dis no be beans talk or yam
tu'gbaski to all una,
later we go jam for iya basira corner,
madam maedan I thank you very much,
as greet me so my heart jus flash waaaa like torch,
una do well for this kain jolly wey una arrange,
as e be say man jus dey manage,
na die to keep bodi and soul kan'pe,
to stand fit omo gats take se'pe,
night and day na hassle,
if no be brain na muscle,
economy don wear jacket,
no show for omo boy racket,
evryday nuttyn for pocket,
but yet we can cry full bucket,
evrywhere for town people dey fear fear,
but anytime i waka enter here,
omo na heaven,
i fit tan'da here till eleven,
mind no dey to tire,
na only down the keyboard go dey fire,
even if this we small market no sell,
una too try well well. . . .

na wow abi na wa, i no know which one i go talk
see as ur poem long an' sweet pass jack & im beanstalk
i dey wonder dey ponder where u dey all dis while
u for don dey on top of the pidgin rhyming pile
2nd to my roty of course
u know with him na beta 4 worse

as d rhymes don dey mature from the love zone
come enter into a more serious life tone
in fact, i too much appreciate
how d economy don depreciate
people dey waka around with a big frown
and blood pressure dey rise all over d town

but as u talk say, for here u find comfort,
i happy say u dey recommend our effort
to put a little smile for the face of the masses
and crack d ribs of both the low and high classes
i mean dem dem wey think say we dey too local
to dey rhyme for this naija pidgin vocal
as always i go say, make we always dey real
b4 our beautiful identity, westernisation no steal

Playing For Pizza----John Grisham

since it doesn't seem to be about law/lawyers this time (so far), I guess I'm in for a good read.

RuuDie:
This tin wey una start so,
no be only una go enjoy am oh. . . .
God forbid bad tins,
I been think sey I wan read about love & sins. . . . .
Na im I waka kuru kere enter this thread,
See kolo inside everybodi head. . . .
Maedan & rotimi,
road una no lef for we. . .
BonHomme & Princesa,
sef come follow donate to d kasala. . .
I wait small look again, na wetin i see,
like play, like play na Tayo-Dee. . . . .
Ol' boy, no do no do
e be like sey na swine flu. . . .
cuz me sef don siddon dey type,
my craze cure sotey e dey ripe. . . . .
my hand dey pain,
shirt don stain. . . . .
but wusai i no go carry last,
to give up na tory wey don past. . . . . .
me sef i must write my own,
if u no like am make u bone. . . . .

how we no go like am
as u too come join d naija luv jam
but how u come call am swine flu
e be like say u no get d clue
how this thread come be an inspiration
and last last, a nairaland pidgin sensation!

u fit be last, but not d least
congrats as u enjoy the rhyming love feast

rotimy:
For all of una wey make dis marriage divine,
I go send una two kegs of African palmwine!

palmwine na for drunkard
u wan make our pastor ban us for d churchyard
instead we go share plenty new naira
wey CBN governor dash us for Zaria



_{i try now, e don tey u know}