₦airaland Forum

maedan:
Tra la la, make FL Gators no let my head bust
But as she get taste, her psyches I must trust
To say d truth, na una be my main inspiration
When I feel say I wan fash, y'all whip me to attenshun
And now wey Roty dey back on the block
We go all dey tick togeda like d hands of the clock

maedan:
Eeeyah, i don see say love dey shack you
As you dey cloud nine, i hope d sky dey blue?
If na me, I go stick to this bobo like glue
since him get d personality&looks to be your boo
Complete man for dis world dey hard to find
No try escape o, allow am to blow ya mind

RuuDie:
Baba God no go gree we see kasala,
not even small kwanta,
we life dem go sweet pass asala,
all na we prayer,
oya follow me shout halleluyah,
maedan abeg no laff dis no be okpata,
dis thing do me sotey i tire,
my mind tell me sey u fit end dis waka,
dats why i come table d matter,
abegi make u helep for dis my wahala,
if na to pay with with rice and cassava,
i fit try small becuz me i be common farmer,
and i no too get naira,
oga roty me i no be toaster
or small boy casanova,
or d man wey call imsef mr lova lova,
i no get liver to put asunder,
better wey people jackee tey'lee to discover. . . . .

Maedan abeg jus maintain
and hear d matter wey dey worry my brain
Na dis love matter again,
d way d thing dey pain,
e be like dem baff me hot water rain,
na one edu wey jus dey carry me train,
i no jus no know how to explain,
in fact, she don carry my heart waka like aeroplane,
wen i hear her voice d happy no fit jus contain,
d sweetness pass sugar cane,
instead to lose her my make my market no gain
my small money make agbero obtain,
if ee'ke like make dem detain,
for her love i fit climb mountain,
shuo, warri river sef na fountain,
for where she dey, no long thing like plantain,
i fit waka from abule-egba to costain,
all for her to dey sustain. . . . . .

dis wan pass shoot bird,
d chic'alla don finish scatter my head,
wetin dey hol me now na jus needle and thread,
evryday na im my eye dey red,
for night na so so cry for bed,
sumtym e be like i jus dey dead,
walahi i don dey too frustrated,
shey becuz i be aje kpa'ko born and bred,
or i no get house or even simple shed,
abi na becuz i no fit buy butter and bread,
she dey call me nerd,
i don write luv letter "a" to zed,
so she go dey reminded,
how mush she dey needed,
abi make i run enter market square naked?

wetin i fit do make she blend,
make she jus look me small and send,
i no even mind to go join MEND,
if na to borrow people plenty wey go lend,
i no sey her toasters plenty and i no fine reash to contend,
d kain place she dey enter i no fit attend,
but nothing wey she do dey make me offend,
if any pesin try her i go gree'dai to defend,
make sure sey ti'ti lai'lai on no man she go depend,
d luv wey me get so no be jus pretend,
as day dey go d more my heart dey bend,
dis my sick na only she get the power to amend,
e don reash five years and na make we jus be friend,
how she no dey see sey my for luv her no go ever end!?