₦airaland Forum

"Man is incomplete until he is married. Then he's finished."

dis wan wey TOYO even mention my name,
i no jus dey d same,
e sweet me sotey i almost lame,
as if pesin don dash me fame,
make e no be like dey claim,
i fit print dis ur post put 4 frame,
na true i dey trip and no be game. . . .

TOYO u sey last drip,
my own even start 4rm d tip,
dat na small, u get me inside ur grip,
if u ask me to jump, i go skip,
tell me 2 tumble, i go flip,
even 4 river naija dis my head, i go dip,
now ehn, i be like baby wey dem tie bip,
dis na jus make u get idea how deep. . . . .

Maedan & Semid4lyfe, una don try una best,
thank una well well, una jus leave d rest,
i take TOYO challenge as correct test,
as i dey unload every wey dey my chest,
e be like wen man dey invest,
sometime na loss instead of interest,
if she no gree, no be contest,
i go jejeli put on my vest,
and begin dey waka face west,
maybe no be 4 me, so i go jus return to my nest!

@ toyosi20 - u dey ask wether luv dey fair

sometimes e dey be like love no dey fair,
e dey resemble say im no dey show care,
but dis wan depend 4 where u stand,
and how u take show ya hand,
truely atimes e no jus make sense,
but dat wan no mean say make we build wall of defense,
d more pesin think am 4 im head,
d more d answer dey far like A to Zed,
betta love go shack u like mo'et,
and wen im touch u, instanta na im u go become poet,
me i sabi many husband and wife wey dey very happy,
and no be becuz dem still dey wear nappy,
wen dem begin 2 relate, nobody been ring bell,
how dem still dey till now, even dem no fit 2 tell,
no be by d fine-ness of dem face,
but by d almighty grace.
na true sey pesin no fit talk wen love dey right,
dat na becuz wen e show, e no dey flash NEPA light,
everything we do 4 dis life na big risk,
shey dat wan mean sey make we come dey cover bodi like disk!?
nothing wey spoil, wey dem no dey fix,
so dia 4, e dey wrong make pesin tanda and refuse 2 mix,
becuz pesin fit come da'ba'ru my heart,
no go stop me from making relationship start,
some kain time e fit be say na jus luck,
but shey i go come close up like padlock!?
people many wey be original fake,
dat no suppose make us finish mash brake,
how many dem go be!?
inside 12, how many bad egg Jesus see!?
of course, we go see somethin' wey go pain,
but why we get bleach if not 2 comot stain,
nobody dey dis world wey no need love,
from anywhere yonder, under or above,
by right, na wetin all man and woman deserve,
e no be like somethin wey dem dey specially reserve,
as long as me i dey live,
dis be wetin i believe,
i no be expert, i no fit tell wen love na correct,
but i dey sure sey no be by how u select,
my own be say,
make we dey wise and no dey over think sotey,
wen we finally jam dat wan wey suppose be we own,
we go loss d pesin sake of sey we bone!
i neva see any man or woman wey be island,
even if im be JJC from thailand,

Marriage is an institution in which a man loses his bachelor's degree and the woman gets her master's.

"True love comes quietly; without banners or flashing lights. If you hear bells, get your ear checked." - Erich Segal

@semid4lyfe,

thank u as u help hold my side,
ur blessing go dey wide,
lucky no go see u hide,
happy no go jus lef u slide,
lai lai u no go fall like pesin wey 2 get pride,
inside ur heart love sef go come abide,
in fact e go sweep u like bar beach high tide,
no yeye pesin go come dey take u 4 ride,
Papa God go give u betta bride. . . . . . . .

maedan i feel u, no need 4 we 2 dey spectacular,
or begin make people shiver like dracula,
we fit no even need curricula,
no need 2 begin over-crack we medulla,
halla, sing sotey voice crack like tetuila,
no be hia a.k go hol' man 4 parti-kola,
dis na we fine art & na we own circular,
d way we dey use speak our own mind like 'toryteller,
and d only how we 'tory go waka tee'lee like ebola,
if we do am proper, we message go tey pass metusellah. . . . . . .

@ maedan,

no need make we fight,
shebi we all dey write,
as we no get we own website,
dis don be like our daily rite,
here we dey use our mind and hand to throwey light,
even use our words to give blind people sight,
try make people see morning for inside night,
me i no come here to test might,
abi e don turn to issue of wrong and right!?
shebi d topic here na love & na make people unite,
come together and dey tight,
dis be my own widow's mite
my own small way to make people life bright.

WildOne:
I have to go with Tom Clancy. Whoever put it in his head to make a career as a writer certainly did humanity a disservice.

you've got a point here. . . . . . . the man can write some crazy volumes filled with so much millitary lingo and techno mumbo-jumbo that can make ur Bsc look like u'd been wasting time and money!

i 4 say make i begin cry,
but tears don finish 4 my eye,
e be like sey d well don dry,
d thing don pass me to lie,
i been wan find way 2 hang and jus kpai,
but when i think am, i ask myself why!?
no be sey u no try,
dis na fact wey i no go fit ever deny,
shey becuz of me, make ur body come fry!?
abi make u grow wings begin fly!?

i no blame u sey u no fit wait,
in fact, i dey lucky sey u even show me faith,
believe me die sotey u open gate,
treat me like i be king or head of state,
baby u no go dey wrong if 4 me u get hate,
becuz u do ur best 4 us 2 fit relate,
siddon 1 on 1 like paddy and communicate,
d problems we get na me dey always create,
atimes sef i no go yarn, i go jus relocate,
i lie, cheat, steal, forge even duplicate,
dey feel like bad guy dey always try manipulate,
upon sey u no be my mate,
na u still make sure sey we date,
u do betta to set table and arrange plate,
but na me get blame becuz i dey always dey late.

baby i no sey i no even get right to say i dey feel blue,
after all i don make u go thru
as we dey now so, na beg i go dey if u say u wan sue,
shame go kpai me if i no come out talk true,
d debt wen i owe u, i no fit ever finish pay d due,
God bless d very day u enter my view,
and 4 all u do 4 me, i jus have to say thank you,
babes plenty 4 naija but ur kind dey very few,
u enter my life and make am sweet like fresh fish stew,
1 hand u pursue all d smell smell comot with morning dew,
as u dey waka go, i wish u betta 4 d line wey u wan start new,
i pray dat d next bobo no go be like me a jew,
wey no go lef u alone dey waka with boys sake of say na crew,
pesin wey go give all wey i no fit ever do!

e dey me like i neva luv b4
like sey breeze dey blow pass me go,
rain no dey fit fall touch my body again,
and no matter how sun hot, e no dey reach my head. . . . . .

e dey me like i neva luv b4
like sey i been neva take eye see,
as if dis foot dem jus remain 4 1 place,
and my hand dem dey hang here like wood. . . . . . . .

e dey me like i neva luv b4
like sey my mind no fit think anything again,
dis heart wan jus stop dey pump blood,
and NEPA don kukuma off light 4 inside my brain. . . . . . . . .

e dey me like i neva luv b4
like sey anoda day don come pass 2 sharply,
me wey no dey send 4 yesterday, today or even tomorrow,
now 4eva no go even dey long enuf!

Probably Notes of a Scandal

never could make out what it was all about _{still can't}!