₦airaland Forum

@ altavista,

na me u dey stone so,
wetin i do u sef make i know!?
u dey call me flirt,
becuz u dey feel sey i pursue skirt,
abegi sey 2 write luv poem na crime?
make u use style dey carry time,
becuz me i dey like follow people flex,
but i jus make mistake vex,
make i no jus mention,
else d end of d matter na inside station
oh, u para wen i yarn about ur sista,
but refuse to bii'nu wen i call u confirm mista!?
abeg make we no go do break egg yoke,
most of my rimes na matter of joke,
na d way u dey flow i jus dey hail,
take am easy hammer my head nail,
i dey try yarn peace talks now,
but dat no mean say i bow,
if na sey u want war,
ol' boy i go follow u drag am 2 d core. . . . .

becuz of u my head need re-wire,
u don set my whole world on fire,
make i even ask sef, shey u no dey tire!?
na small remain make u kpai me with desire,
u dey high me pass timaya,
like play u don become my messiah,
peter, paul, james and josiah,
femi, gbenga, dare and jeremiah,
plus including segun, adamu and zachariah,
if dem like make dem reash 1000, me i no dey retire. . . . .

my guy altavista,
u be confirm mista,
na u suppose be d ultimate like vista,
like i sey i get ur picsure, e for be my poster,
ol boy if she resemble u, i go fit marry ur sista,
see d way u jus dey flow like twista,
walahi u get gist pass dan foster,
d rhymes jus flow like dem our lady chorister,
i no go ever forget u from now till next easter,
u jus talk truth sharply like tester,
if u see d way my morale dey high like booster,
meen e be like dem plug me inside toaster,
if u be baller i 4 don sign u 4 boavista,
sponsor ur summer go leicester,
ol' boy time don reash for my siesta. . . . .

una no worry, i no go run,
even as toyo talk sey i no be d 1,
as a man, hand go everly burn,
for and against people go turn,
but na wetin dey make life fun,
wen u fit waka 100 miles under serious hot sun,
but yet still dey manage to smile in return. . . .

shuo, baba God see as dem dey fall my hand,
inside my small garri pour plenty sand,
shey u still dey let me stand!?
una say as i no get dollar, pound, euro or rand,
as e be say i neva reash to buy land,
i no go fit even touch toyosi head band,
as oyinbo man go voke "very grand!"
well no le'le since i no be her brand,
no need sey make i dey over-p'and
i go jus hol' myself pocket d demand. . . . . .

jumoke 90:
@RuuDie
hehe, of course yes, anytime

oya make we begin. . . . . how i go use collect am, bluetooth or snail mail

TOYOSI20. . . . . . see wetin u don cause


becuz of u i no fit rest, no fit sleep,
e be me like sey make i jus dey weep,
kneel down 4 ground begin beg and creep,
maybe u go consider wen u see d way tears go drip,
so dat u go understand d way u don hol' me like clip,
make e clear 4 ur eye sey my love dey deep,
i don consider am sey u fit no wan send me becuz u no trip,
and d more i think am, d more e dey pepper me like whip
but Toyo i dey beg make u try give me tin'ti'lin peep,
remember sey big big ocean dem start from small small sip,
baby boo i jus dey beg make u no allow my love slip,
abeg no pack am put 4 dustbin like pesin wey dey sweep,
i been wan cover mouth maintain like zip,
but na u my heart sey e want 4 dis life 2 finally keep!

@ toyosi20


i make mistake go look ur picture,
nna 4 3 minutes i be like furniture,
cold grip me like say na rapture,
in fact, i don grow pass mature,
e be like dem feed me manure,
if na ur face be dat, baby u be correct handwork of nature,
d way u stand ehn, chineke see posture,
i neva see u finish but i believe ur stature,
kai i jus dey imagine dat bakassi curvature,
i serious oh i no dey find adventure,
and i no be amateur,
but walahi if i fit friend u na greener pasture,
baby jus carry me go as ur capture,
take all my money plus my joint venture,
baby check am nah, me & u na correct mixture,
if i no fit marry how i wan use get future,
then i go jus settle 4 ur caricature. . . . . . .