₦airaland Forum

@ Maedan

Eeeya - I dey feel for u on top dat ur ipod wey dem steal
Becos for music that stuff na the real deal
Anyhow sha, make ur spirit no dampen
Becos when 1 door close, anoda one go open
Sleep don dey catch me, so goodnite
Wish u sweet dreams and make u sleep tight.

@ Maedan & Mailmalc

See as una dey do like Tom and Jerry
Well, its all good as long as the play dey merry


Here is a typical response to my bolded and italicized post above


Na real wa for u o
Wetin u want make person like me talk so?
As na only 3 days of no light dey make u vex
Guy-no think am, comot for house, enter club go flex
Although their inefficiency na of the greatest height
PHCN just dey show and flex dem tiny might
When dem ready, dem go bring back the light
Me no get dem time- na joint I dey enter every nite
At least I go beer up and shack myself tight
And forget all my sadness, pain and sorrow
I no dey think too much of naija's tommorrow
Becos many things for dis country no just follow
See-no carry naija problem for your head
Becos solution no dey in sight & e heavy pass lead
If u think am too much, e go weigh u down
And na so so frown u go dey frown
Becos naija problem na basket case
So cheer up and put smile for your face
But meanwhile me go soon be foreigner
As I go soon emigrate and go settle for Ghana
But make we just continue to dey fast and pray
Becos I know se one day, and I say one day
Baba God go deliver us comot from dis our egypt
Like em do for the Isrealites for the Holy Script.

Sorry se I dey digress
But this post na the measure of my distress
As life for naija na nothing but stress
Therefore, e be like se I go break una laws
And steer this our love ship off course
But please, make una no vex give me ban
As na only my church mind me wan yarn

[b]Why person dey struggle to live when person dey live to die?
If I talk se dis country never tire me, I go dey lie
Sometimes, e go be like se make I breakdown and cry
Becos government for naija na big failure as dem no dey try
For three days now, I never see light for my house
Infact person just dey prowl around for darkness like mouse 
Well, like most Nigerians I don adapt and now I fit see for dark 
For 2009, pipe-borne water and other social amenities still dey lack
With all these things, how hillary no go paint us black?
Well, all dis things no dey new as e don tey wey our yansh dey back
As things dey go so , shey we go fit achieve vision 2020?
Becos things to do before then still dey plenty - plenty
Before, na Niger Delta militants for south south dey wreak havoc
But now, na Boko Haram self-styled talibans for north dey run amok
Which time all dis kain religious and ethnic crisis go stop?
Becos naija be like overblown balloon wey go soon go POP!
Infact e dey surprise many se we still dey and never break up.
[/b]

maedan:
@ semid4lyfe

e good as u speak wetin dey ya mind
dis ur topic na one wey dey worry mankind
e easy for guys to point accusing finger
just becos sometimes dem be d cash-bringer
and yes, some babes na real suck-u-dry
then run go d next mumu to chop from im pie

but no be every girl get bad intention
if only dem dey for better condition,
wetin concern them reach man wallet?
na suffer-suffer cause them to get long gullet
in conclusion, make girls dey try to be independent
so better guys go dey chase them like CNN correspondent

Hmmm--U get better vision and foresight
As your reply dey very impressive and tight
Dis your post don give me good insight
Into the kain person wey u be
For dis life nothin wey man pikin no go see
Becos people get different beliefs and mind
Many babes, na chop and clean mouth dem dey find
Those kain babes dey act and play funny
As their kain love na koni-koni
When money dey, dem go call person honey
But when pocket dry, u go turn to monkey
Those kain babes na serious nuisance
In short, make person pray for Baba God guidance
Make e no go fall into dem net
Otherwise em go get serious regret
Remember, one word dey enuff for the wise
So make una take to dis my timely advice.

Without meaning to disrespect to the ladies---------------


Love na one kain complex emotion
Some dey talk sey na romantic illusion
While others dey call am sexual infatuation.
To find true love for naija no be beans
Becos most babes dey find men with means
Some babes go milk man pikin dry
Then dem go tell you goodbye
So make all man shine em eye
Otherwise em go experience betrayal
Becos no be all babes be wife material

Hmmmmm--------So many newbies in da house, but its all good sha. Abegiii, make una pass me the mic jare. Na my turn to flow. Ok---here goes-----Mic check 1, 2,



Finally, finally me don pitch my tent
And dis my babe na pure heaven sent
As she no cost me one single cent
She fine pass Leonardo da vinci's Mona Lisa
Even Venus de Milo no fit compare to her
She dey make my heartbeat go hyper
Even sef, my body dey shake and shiver
To talk sef, I go dey stammer and stutter
I for die if she no give me entry visa
Her name na victoria
And I jam am for my area
Dem born am for Nigeria
But her pale' na Liberian
And her male' na Nigerian
Therefore me dey call her Niberian (Mix of Nigeria/Liberia)
She get shape like hour glass
In short, the lass na top class
Her voice be like that of nightingale
Even for manners sef, she no dey fail
To top am, she come get good sense of humour
And na everyday,me dey love her more
With am, I no dey experience loneliness
Dis my babe na epitome of beauty & loveliness
For her,I no mind to spend all my money
Just for her to dey call me honey
Becos she too Behind, posh and creme
In short, she be the stuff of my dream
Don't worry,I go give all of una dial
When we wan waka down the aisle.

I just say make I show face
And touch down for dis our pidgin base
I happy se una keep the thread for road
But me don get plenty work load
So I no go fit dey too consistent
But I go still dey everly represent
Dey drop rhymes from time to time
After all pesin no dey pay a dime

I happy se una don end the travail
And common sense and peace don prevail
Na so e suppose to be
so this thread go sweet like honey
Thank una 4 taking to my advice
We no suppose dey hate like cat and mice
Instead,we suppose dey live in happiness and bliss
And dey share plenty hugs and kiss

There is definitely no basis for comparing both novelist. I don't think both authors can write outside their comfort zones.

When it comes to espionage thrillers, Frederick Forsyth is head and shoulders above R. Ludlum, J.Archer, Tom Clancy, Sidney Sheldon and any other person who has written in that genre.

When it comes to the law and courtroom thrillers, John Grisham is the best I've read.

Shoo! For this computer age, people still dey read hardcopy novels?
I've got about 50 e-novels of the best authors ranging from danielle steele, robert ludlum, frederick forsyth, john grisham,Jeffrey Archer, dan brown, sidney sheldon, judith McNaught, jackie collins etc on my lapy, so its being long I read a hardcopy novel.
The only thing is everytime I switch on my lapy with the 'supposed intention' of reading one of my novels, I end up watching a film instead.
I'm afraid my reading habit has gone down over the years.

Hmmm, I just finished re-reading The 11th Commandment by Jeffrey Archer though. Its my favourite J.Archer and I first read it around '99.

I've just started on another espionage novel - Icon by Frederick Forsyth. So far, so good.

@ Maedan

Baba God, na em know best
So em will, make we no contest
Everything get em time and season
And I know se everything na for a reason
Remember se ashes to ashes and dust to dust
And one day all of us go dey buried under the earth's crust
So make we all live life and leave positive impact
So our legacy go dey strong and intact
Me, I go try contain my sadness and pain
Becos I know se all em life work no dey in vain

Nice! I'll be back to drop sumtin'.

Maedan, u don commot the words from my mouth
So I no go fit talk much or shouth
E be like se na me em death pain pass
Becos for music, Mj dey em own class
I be man 'n' e don tey wey I cry
But walahi, em death commot tears from my eye
Who go come be the next king of pop?
Becos all musicians of today be like flop
Baba God, I know se na final be ur say
But abeg, u fit bring back Mj?
Na so I don dey pray
Every morning of every day
Since I hear se em don pass away.

Wow! Nice poem. It encapsulates my online life in brief.

Most of my buddies on YIM are peeps I met on Nairaland and other fora. We chat online and even call each other on phone but truth is, we ain't seen each other before or even know what we look like.

@ Toyosi20



E don tey wey person see ur face
I don dey think se u don quit dis race
But u come show with ur usual grace
.
Becos u be like commodity wey scarce
I bin think se u don go planet mars
But e be like se u dey prepare for ur birthday celebration
That one be se, for here na maximum jubilation
Me I be jolly good fella
And I like to dey shak and chop wella
So make u prepare enuff food
Becos all ur guys for dis hood
Go fall in big time and participate
For dis birthday wey u wan celebrate.



Happy Birthday, Gal.